ⵉⴷⵔⴰ ⵎⴰⵙⵙ ⴰⵃⵎⴰⴷ ⵍⵄⵎⵓⵎⵔⵉ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴳ ⵜⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵥⵕⴼⴰⵏ ⴰⵄⵕⴰⴱ ⵡⵉⵙⵙ ⴽⵕⴰⴹ ⵏ ⵜⵙⵎⵖⵓⵔⵜ ⵏ ⵛⵛⴰⵔⵉⵇⴰ ⴳ ⵜⵥⵕⴼⵜ ⵜⴰⴳⴷⵓⴷⴰⵏⵜ, ⴰⵙⵙ ⵏ ⵓⵙⵉⵏⴰⵙ 06 ⴽⵟⵓⴱⵕ ⴳ ⵟⴰⵏⵊⴰ ⴷⴷⵓ ⵜⵎⴰⵜⴰⵔⵜ " ⵜⵉⵔⵎⵉⵜⵉⵏ ⵜⵉⵅⴰⵜⴰⵔⵉⵏ ⴳ ⵓⵙⴱⵓⵖⵍⵓ ⵏ ⵜⵥⵕⴼⵜ ⵜⴰⴳⴷⵓⴷⴰⵏⵜ ".

ⴳ ⵜⵉⵏⴰⵡⵜ ⵏⵏⵙ ⴳ ⵓⵏⵎⵓⵇⵇⴰⵔ ⴰⴷ, ⵉⵙⴷⴷⵉⴷ ⵎⴰⵙⵙ ⴰⵏⴼⵍⵓⵙ ⵅⴼ ⵜⵣⵎⵎⴰⵔ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴳ ⵓⵙⴷⵓⵙ ⵏ ⵡⴰⴷⴷⴰⴷ ⵏⵏⵙ ⴳ ⵉⴳⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵙ ⵢⴰⵜ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵜ ⵍⵍⵉ ⵜ ⵉⵙⵔⵙⵏ ⴳ ⵡⴰⵎⵎⴰⵙ ⵏ ⵜⵣⵎⵎⴰⵔ ⵏ ⵜⵏⵙⵙⵉⵅⴼⵜ ⴷ ⵓⴹⴼⴰⵕ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⵉⵣⴷⵉⵏ ⴷ ⵉⴳⵔⴰⵏ ⴰⴷ, ⵙⵍⴰⵡⴰⵏ ⴰⴽⴽⵡ ⵜⵉⵏⵏⴰ ⵉⵣⴷⵉⵏ ⴷ ⵓⵥⵕⴼ ⴰⴳⴷⵓⴷⴰⵏ.

ⵉⵙⵏⵎⴰⵍⴰ ⵓⵙⴳⵔⴰⵡ ⴰⴷ, ⵍⵍⵉ ⵜⵙⵏⵎⴰⵍⴰ ⵜⵙⵏⵓⵔⴰⵢⵜ ⵜⴰⵄⵕⴰⴱⵜ ⵏ ⵜⴳⵎⵉ ⵜⴰⵎⵙⵙⵓⴳⵓⵔⵜ, ⵙ ⵓⵎⵢⴰⵡⴰⵙ ⵏ ⵜⵏⴱⴰⴹⵜ ⵏ ⵛⵛⴰⵔⵉⵇⴰ ⴷ ⵜⵙⵎⵖⵓⵔⵜ ⵏ ⵛⵛⴰⵔⵉⵇⴰ ⵏ ⵜⵥⵕⴼⵜ ⵜⴰⴳⴷⵓⴷⴰⵏⵜ ⴷ ⵜⵎⵙⵎⵓⵏⵜ ⵏ ⵜⵙⴱⴱⴰⴱⵜ ⴷ ⵜⴷⴰⵍⴰ ⵏ ⵜⵙⴱⴱⴰⴱⵜ ⴷ ⵜⵎⴳⵓⵔⵉ ⴷ ⵜⵏⴰⴼⵓⵜⵉⵏ ⵏ ⵜⵎⵏⴰⴹⵜ ⵏ ⵟⴰⵏⵊⴰ ⴷ ⵜⵉⵟⵡⴰⵏ ⴷ ⵍⵃⵓⵙⵉⵎⴰ, ⵢⴰⵏ ⵓⴱⵔⵉⴷ ⵏ ⵓⵎⵢⴰⵡⴰⴹ ⴰⵙⵓⵍⴰⵏ ⵉ ⵡⵉⵏⵏⴰ ⵉⵔⴰⵏ ⴷ ⵡⵉⵏⵏⴰ ⵉⵙⵡⵓⵔⵉⵏ ⴳ ⵉⴳⵔ ⵏ ⵜⵥⵕⴼⵜ ⵜⴰⴳⴷⵓⴷⴰⵏⵜ, ⵎⵔⴰ ⴰⴷ ⵙⵎⵓⵜⵜⴳⵏ ⵜⵉⵔⵎⵉⵜⵉⵏ ⴷ ⵜⵎⵙⴽⵉⵔⵉⵏ ⵉⵖⵓⴷⴰⵏ ⴷ ⵓⵙⵎⴰⵜⵜⵉ ⵏ ⵉⵔⵉⵎⵏ ⴳⵔ ⵉⵡⴰⵏⴽⵏ ⴰⵄⵕⴰⴱⵏ, ⵎⵔⴰ ⴰⴷ ⵉⵍⴽⵎ ⵢⴰⵏ ⵓⵎⴷⵢⴰ ⴰⵄⵕⴰⴱ ⵉⴼⵓⵍⴽⵉⵏ ⴳ ⵜⴳⵎⵉ ⵏ ⵜⵥⵕⴼⵜ ⵜⴰⴳⴷⵓⴷⴰⵏⵜ.

ⴷⵔⴰⵏ ⴳ ⵓⵙⴳⵔⴰⵡ ⴰⴷ ⵉⵎⵙⵜⴳⴳⴰⵔⵏ ⵏ ⵜⵎⴰⵡⴰⵙⵉⵏ ⵏ ⵜⵎⵉⵣⴰⵔ ⵜⵉⵄⵕⴰⴱⵉⵏ ⴷ ⵉⵎⵙⵜⴳⴳⴰⵔⵏ ⵏ ⵎⵏⵏⴰⵡ ⵏ ⵜⵙⵏⵓⵔⴰⵢⵉⵏ, ⴷ ⵉⵏⵏⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵙⵎⵖⵓⵔⵜ ⵏ ⵛⵛⴰⵔⵉⵇⴰ ⴳ ⵜⵥⵕⴼⵜ ⵜⴰⴳⴷⵓⴷⴰⵏⵜ, ⵛⵛⵉⵅ ⵕⴰⵛⵉⴷ ⴱⵏ ⵙⴰⵇⵔ ⵍⵇⴰⵙⵎⵉ, ⵎⴰⵙ ⵉⴳⴰ ⵡⵙⴳⵔⴰⵡ ⴰⴷ ⵢⴰⵏ ⵓⵙⵏⴼⵍⵓⵍ ⵏ ⵜⵉⵔⵎⵉⵜⵉⵏ ⴷ ⵓⵎⵙⴰⵙⴰ ⵏ ⵜⴰⵏⵏⴰⵢⵉⵏ ⴳⵔ ⵜⵎⵉⵣⴰⵔ ⵜⵉⵄⵕⴰⴱⵉⵏ ⴳ ⵉⴳⵔ ⴰⴷ, ⴷ ⵓⵙⵏⵜⵉ ⵏ ⵜⵖⵜⴰⵙⵉⵏ ⵏ ⵜⵡⵓⵔⵉ ⵍⵍⵉ ⵔⴰⴷ ⵙⴷⵓⵙⵏ ⵜⵉⵥⴹⴰⵕⵉⵏ ⵜⵉⵄⵕⴰⴱⵉⵏ ⴳ ⵜⵥⵕⴼⵜ ⵜⴰⴳⴷⵓⴷⴰⵏⵜ.