ⵍⵍⵉⵖ ⵉⴳⴰ ⴰⴳⵎⴰⵎ ⴳ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ (IAACA), ⴷ ⵙ ⵓⵙⵙⵓⴼⵓ ⵏ ⵜⵎⵔⵉⵙⵉⵏ ⵏⵏⵙ ⴷ ⵜⵎⵙⵎⵓⵏⵜ, ⴷ ⵓⴱⵣⴰⵔ ⵏⵏⵙ ⴳ ⵓⵙⴷⵓⵙ ⵏ ⵜⵥⴹⴰⵕⵉⵏ ⵏ ⵉⴳⵎⴰⵎⵏ ⵏⵏⵙ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ ⵓⵙⵉⵎⵡⴰⵙ 20 ⵢⵓⵏⵢⵓ 2025, ⵢⴰⵜ ⵜⵙⵓⵜⵍⵜ ⵏ ⵓⵙⵎⵓⵜⵜⴳ ⴳ ⵜⵓⴳⴳⵓⵜ ⵉ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⴰⴷ ⵅⴼ : "ⴰⵙⵖⵍ ⵏ ⵓⴳⵓⴼⵙⵓ ⴷ ⵓⵙⵓⵊⴷ ⵏ ⵜⴽⵕⴹⴰ ⵏ ⵉⵎⵉⵣⵉⵜⵏ ⴷⵉⵙ ⵉⵣⴷⵉⵏ" 

ⴷⵔⴰⵏ ⴳⵉⵙ 200 ⵏ ⵉⵎⵙⵜⴳⴳⴰⵔⵏ ⴷ ⵉⵎⵓⵣⴰⵢⵏ ⵉⵙⵎⴷⵢⴰⵏ 70 ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⴳ ⵜⵓⴳⵜⵜ ⵏ ⵜⵙⴳⴳⵉⵡⵉⵏ ⴳ ⵓⵎⴰⴹⴰⵍ, ⵎⴰⴷ ⵉⵎⵎⴰⵍⵏ ⴰⵙⵡⵉⵔ ⵢⴰⵜⵜⵓⵢⵏ ⵉⵍⵍⴰⵏ ⴷⴰⵔ ⵉⵎⵔⵙⵉ ⵏ ⵓⵙⵖⵍ ⵏ ⵓⴳⵓⴼⵙⵓ ⴳ ⵓⵎⴰⴹⴰⵍ, ⴷ ⵓⵍⴰ ⴰⴷⴷⵓⵔ ⵏ ⵜⵉⵍⴰⵍⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵜⴳⵎⵉ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴰⴳⵜⵉⵔⴰⵏ ⴳ ⵓⵙⴱⴷⴷⵉ ⵏ ⵓⴳⵓⴼⵙⵓ. 

ⵜⵜⴱⴹⴰⵏⵜ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⴰⴷ ⵅⴼ ⵓⵙⵏⵎⵍ ⵉⴷⵔⴰⵏ ⵉⵡⴰⵜⵙⵏ ⴰⵙⴷⵓⵙ ⵏ ⵓⵔⵎⴰⵙ ⵏ ⵉⵎⴷⵔⴰⵡⵏ ⵏ ⵜⵥⵉⵕⵉⵏ ⴷ ⵜⵎⵢⴰⴷⴰⵙⵉⵏ ⵜⵉⵏⴱⵔⵉⴷⵉⵏ ⵜⵜⵓⵙⵎⵔⴰⵙⵏⵉⵏ ⴳ ⵢⵉⴳⵔ ⵏ ⵓⵙⵖⵍ ⵏ ⵓⴳⵓⴼⵙⵓ ⴷ ⵓⵙⵓⵊⴷ ⵏ ⵜⴽⵕⴹⴰ ⵏ ⵉⵎⵉⵣⵉⵜⵏ ⵏⵏⵙ, ⴷ ⵓⵙⵓⵙⵙⵏ ⵙ ⵡⴰⴷⴷⵓⵔ ⵏ ⵉⵎⴰⵙⵙⵏ ⴰⴷ ⴳ ⵓⵙⴷⵓⵙ ⵏ ⵓⵙⵔⵓⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⵖⵜⴰⵙⵉⵏ ⵉⵜⵜⵓⵚⴽⴰⵏ ⵅⴼ ⵓⵎⵍⴰⵏ ⵉⵏⵖⴷⵏ ⴷ ⵉⵏⵉⵍⴰⵡⵏ, ⵜⵜⴼⴽⵏ ⴳⵉⵙ ⵉⵎⴷⵢⴰⵜⵏ ⵏ ⵜⵉⴷⵜ ⴷ ⵡⴰⴷⴷⴰⴷⵏ ⵏ ⵜⵙⵏⵙⵉ ⵉⵎⵎⴰⵍⵏ ⵜⵉⵍⴰⵡⵜ ⵏ ⵜⵎⵙⴽⴰⵔ ⴳ ⵢⵉⴳⵔ ⴰⴷ. 

ⵎⴽⵍⵍⵉ ⵉⴳⴰ ⵓⵎⴹⴰⴽⴰⵕ ⵏⴳⵔ ⵉⵎⴷⵔⴰⵡⵏ ⴰⵣⵎⵣⵣⵓ ⵏ ⵓⴼⵙⴰⵔ ⵏ ⵎⵏⵏⴰⵡⵜ ⵜⵔⵎⵉⵜⵉⵏ ⵏ ⵓⵎⵣⴰⵣⴰⵍ, ⴳ ⵜⴳⵉⵔⴰ ⵏ ⵜⵙⵓⵜⵍⵜ ⴰⴷ ⵉⵍⵍⴰ ⵢⴰⵏ ⵓⵎⵙⴰⵡⴰⵍ ⴰⵎⵢⴰⵖ, ⵓⴼⴰⵏ ⵙⵔⵙ ⴰⴷ ⵙⵙⵀⵡⵏⵏ ⵉⵙⵇⵙⵉⵜⵏ ⵏⵏⵙⵏ ⴷ ⵓⵎⵙⴳⴷⴰⵍ ⵅⴼ ⵉⵎⵓⴽⵔⵉⵙⵏ ⵉⵜⵜⵔⵙⵏ ⵙ ⵓⴼⵔⵉⵙ ⵓⵙⵔⵉⴷ ⴳⵔⴰⵜⵙⵏ ⴷ ⵉⵎⵓⵣⴰⵢⵏ.