ⴰⵎⴰⴳⵔⴰⴷ 36

ⴰⵔ ⴻⵜⵜⵎⵔⵔⴰⵜ ⵓⵙⵍⴳⵏ ⵅⴼ ⵓⵏⵓⴼⵏ ⵉⵥⵍⵉⵏ ⵙ ⵡⴰⴷⴷⴰⴷ ⵏ ⵜⵎⵏⵣⴰⵖⵜ, ⴷ ⵓⵙⵢⴰⴼⴰ ⵏ ⵓⵎⵍⴰⵏ ⵉⵕⵥⵥⴰⵏ ⵜⴰⵖⵏⵏⴰⵏⵜ ⵜⴰⵎⵣⴷⴰⴳⵜ, ⴷ ⴽⵓ ⵓⵏⵓⴼ ⴷⴰⵔ ⵉⵍⵍⴰ ⵓⴼⵔⵉⵙ ⴰⵥⵕⴼⴰⵏ.
ⵙ ⵓⵎⵙⴰⵙⴰ ⴷ ⵓⵙⵍⴳⵏ ⵉⵍⵍⴰ ⵅⴼ ⵉⵏⴱⴰⴹⵏ ⵉⴳⴷⵓⴷⴰⵏⵏ, ⴰⴷ ⵙⴽⵔⵏ ⴰⵔⴰⵢ ⵣⴳ ⵎⴰⴷ ⴰⴽⴽⵯ ⵉⴳⴰⵏ ⴰⵏⴰⵡ ⵏ ⵡⴰⵓⵏⵓⴼ ⵉⵥⵍⵉⵏ ⵙ ⵓⵎⵓⵙⵙⵓ ⵏ ⵜⵎⵙⵙⵓⴳⴰⵔ ⴷ ⵉⴳⵔⴰⵡⵏ ⵉⴳⴷⵓⴷⴰⵏⵏ, ⴷ ⵓⵙⵎⵔⵙ ⵏ ⵉⴷⵔⵉⵎⵏ ⵉⵍⵍⴰⵏ ⴳ ⵉⴼⴰⵙⵙⵏ ⵏⵏⵙⵏ, ⴷ ⵓⵙⵏⵢⵓⴷⴷⵓ ⵏ ⵜⵏⵎⴰⵇⵇⴰⵙⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵙⵡⵓⴷⴷⵓ ⵏⵏⵙⵏⵜ, ⴷ ⵓⵎⵙⴰⵢ ⵏ ⵓⵏⵓⴼⵏ ⴰⴷ.
ⴰⵔ ⵉⵜⵜⵎⵔⵔⴰⵜ ⵓⵙⵍⴳⵏ ⵅⴼ ⵉⴼⴼⵓⴽⵙ ⵏ ⵓⵙⵖⵍⵍⴰ ⵏ ⵡⴰⴷⵖⴰⵔⵏ ⵏ ⵓⵙⵓⴳⵔ ⴷ ⵜⴱⵖⵓⵔⵜ, ⴷ ⵡⴰⴷⴷⴰⴷⵏ ⵏ ⵓⴽⵡⴰⵛ ⴷ ⵜⵖⵍⵍⴰⴱⵉⵜ, ⴷ ⵜⵎⵙⴽⵔⵉⵏ ⵢⴰⴹⵏ ⵉⵎⵣⵔⴰⵢⵏ ⴷ ⵉⵎⵏⵣⴰⵢⵏ ⵏ ⵜⵖⵏⵏⴰⵏⵜ ⵜⵉⵍⴻⵍⵍⵉⵜ ⴷ ⵜⵓⵍⴳⵉⵏⵜ ⴳ ⵉⵎⵢⴰⵙⵙⵜⵏ ⵉⴷⵎⵙⴰⵏⵏ.
ⴰⵔ ⵉⵜⵜⴰⵡⵙⴽⴰⵔ ⵉⵊⵊ ⵓⴳⵔⴰⵡ ⴰⵏⴰⵎⵓⵔ ⵏ ⵜⵎⵓⵖⴷⵉ ⴷ ⵡⴰⵔⴰⵢ ⵣⴳ ⵓⵙⴳⵓⴼⵙⵙⵓ ⴷ ⵓⵙⴱⴷⴷⵉ ⵏⵏⵙ.

ⴰⵎⴰⴳⵔⴰⴷ 159

ⴰⵔ ⵜⵜⴳⴳⴰⵏ ⵉⴳⵔⴰⵡⵏ ⵉⵜⵜⵓⵙⵎⴰⴳⵍⵏ ⵙ ⵓⵏⴱⴰⴹ ⵉⵀⵢⵢⴰⵏ ⵉⵙⵉⵎⴰⵏⵏ, ⴰⵔ ⵙⵢⴰⴼⴰⵏ ⵣⴳ ⵡⴰⵏⵏⴰⵍ ⵏ ⵉⵏⴳⵔⴰⵡⵏ ⵏ ⵓⵡⴰⵏⴽ, ⵉⵖⵉⵢ ⵓⵙⵍⴳⵏ ⴰⴷ ⵉⵙⴽⵔ, ⵓⴽⵓⴷ ⵏⵏⴰ ⴷ ⵉⵇⵇⴰⵏ, ⵉⵖ ⴰⵙ ⵏⵙⵎⴷ ⵜⵉⵎⵔⵙⴰⵍ ⴷ ⵉⴳⵔⴰⵡⵏ ⵍⵍⵉ ⵜⵜⴰⵡⴱⴷⴰⵔⵏⵉⵏ ⴳ ⵎⴰⴷ ⴷ ⵢⵓⵛⴽⴰⵏ, ⵉⴳⵔⴰⵡⵏ ⵢⴰⴹⵏ ⵏ ⵓⵙⵏⴰⵎ ⴷ ⵓⵏⴱⴰⴹ ⵉⵀⵢⵢⴰⵏ.

ⴰⵎⴰⴳⵔⴰⴷ 167

ⴰⵔ ⵏⵏ ⵉⵜⵜⵡⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵎⵓⵖⴷⵉ ⴷ ⵡⴰⵔⴰⵢ ⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵉⵜⵜⴰⵡⵙⴽⴰⵔⵏ ⵙ ⵜⵖⴰⵔⴰⵙⵜ ⵏ ⵓⵎⴰⴳⵔⴰⴷ 36, ⵙⵍⴰⵡⴰⵏ ⴰⴽⴽⵯ ⵜⵉⵙⵎⵉⴳⴰⵍ ⵏ ⵜⵙⵏⵜⴰⵢⵜ ⴷ ⵓⵣⴷⴷⵓⵢ ⴷ ⵢⵉⴱⴷⴷⵉ ⵅⴼ ⵜⴼⵔⵓⵜ ⵏ ⵓⴹⴼⴼⵓⵕ ⵏ ⵓⵣⵣⴳⵉⵔ ⵏ ⵜⵙⵔⵜⴰⵢ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⴷ ⵉⵎⵉⵥ ⴷ ⵓⵣⵣⵓⵣⵔ ⵏ ⵓⵎⵍⴰⵏ ⴳ ⵓⴱⴰⵔⴰⵣ ⴰⴷ, ⴷ ⵜⴷⵔⴰⵡⵜ ⴳ ⵓⵙⵖⴰⵔⴰ ⵏ ⵜⵓⴷⵔⵜ ⵜⴳⴷⵓⴷⴰⵏⵜ, ⴷ ⵓⵙⴷⵔⵓ ⵉ ⵉⵎⵏⵣⴰⵢⵏ ⵏ ⵓⵏⴱⵉⴹ ⵉⵀⵢⵢⴰⵏ, ⴷ ⵜⴷⵍⵙⴰ ⵏ ⵜⵏⴰⴼⵓⵜ ⵜⴰⴳⴷⵓⴷⴰⵏⵜ, ⴷ ⵡⴰⵜⵉⴳ ⵏ ⵜⵎⵓⵔⵉ ⵜⴰⵎⵙⵜⴳⴳⴰⵔⵜ.

ⴰⵙⵇⵇⵉⵎ ⵏ ⵓⴳⵔⴰⵡ, ⵉⵍⵍⴰ ⴳⵉⵙ ⵜⴰⵎⴰ ⵏ ⵓⵏⵙⵙⵉⵅⴼ, 12 ⵏ ⵓⵏⴳⵎⴰⵎ ⵉⵜⵜⵓⵙⵜⴰⵢⵏ ⴳⵔ ⵉⵡⵔⵉⴽⵏ ⵉⵜⵜⴰⵡⵙⵙⴰⵏ ⵙ ⵉⵔⵉⵎ ⵖ ⵉⴳⵔ ⵏ ⵓⵙⵡⵓⵔⵉ ⵏ ⵜⵏⴳⵎⴰⵎⵜ, ⴷ ⵡⵉⴷ ⵉⵜⵜⴰⵡⵙⵙⴰⵏ ⵙ ⵜⵣⴷⴳⵉ ⴷ ⵜⴰⵔⴰⵡⵙⴰⵏⵜ ⴷ ⵓⵍⴰ ⴰⵖⴷ ⵏⵏⵙⵏ

ⴰⵔ ⵜⵜⵓⵙⵔⴰⵙⵏ ⵉⴳⵎⴰⵎⵏ ⵓⵙⵇⵇⵉⵎ ⵏ ⵜⵏⴳⵎⴰⵎⵜ ⵙ ⵓⵎⵏⵣⴰⵢ ⵏ ⵜⵎⵢⴰⵥⴰⵏⵜ ⵊⴰⵔ ⵉⵔⴳⴰⵣⵏ ⴷ ⵜⵎⵖⴰⵔⵉⵏ, ⵉ ⵓⵣⵎⵣ ⵏ 5 ⵢⵉⵔⵏ ⵉⵜⵜⵓⵙⵎⴰⵢⵏⵓⵜⵏ ⵢⴰⵜ ⵜⵉⴽⴽⵍⵜ:

ⴽⴽⵓⵥ ⵉⴳⵎⴰⵎⵏ ⴰⵔ ⵜ ⵏⵏ ⵉⵜⵜⵓⵙⵔⴰⵙⵏ ⵙ ⵓⴹⴰⵀⵉⵕ ⴰⵛⴰⵔⵉⴼ