ⵉⵎⵍⴰ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⵓⵃⵎⵎⴷ ⴱⵏⵄⵍⵉⵍⵓ, ⴰⵙⵙ ⵏ ⵓⵙⵉⵎⵡⴰⵙ ⴳ ⵕⵕⴱⴰⵟ, ⵅⴼ ⵜⴷⵔⴰⵡⵜ ⵜⵓⵏⵚⵉⴱⵜ ⵏ ⵓⴳⵔⴰⵡ ⴳ "ⵜⴰⵎⴷⵔⴰⵡⵜ ⵏ ⵜⵎⵔⵙⴰⵍ ⵉⵕⵥⵎⵏ", ⵙⴳ ⵢⴰⵏ ⵓⴽⴰⴱⴰⵕ ⵏ ⵉⵙⴷⴱⴰⴷ ⵉⵡⴰⵜⴰⵔⵏ. 

ⵖⵉⴽⵍⵍⵉ ⵉⵙⵉⵙⴼⵉⵡ ⴰⴽⴷ ⵎⴰⵙⵙ ⴱⵏⵄⵍⵉⵍⵓ, ⴳ ⵢⴰⵜ ⵜⴳⵓⵔⵉ ⴳ ⵓⵎⴹⴰⴽⴰⵕ ⴰⴼⵔⵉⵇⵉ ⵏ ⵜⵏⴱⴰⴹⵜ ⵉⵕⵥⵎⵏ ⵎⴰⵙⴷ ⴰⵍⵜⴰⵖ ⴰⴷ ⵉⴳⴰ  ⴰⵙⵏⴼⵍ ⵏ ⵡⴰⴷⴷⴰⴷ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵙⴳ ⵢⴰⵏ ⵓⵎⵙⴽⴰⵔ ⴰⴷⵙⵜⴰⵔ ⴰⵏⴰⵎⵓⵔ ⴰⵔ ⵢⴰⵏ ⵓⵎⴷⵔⴰⵡ ⴳ ⵢⴰⵜ ⵜⴷⵉⵏⴰⵎⵉⵜ ⵜⴰⵎⴰⴹⵍⴰⵏⵜ ⵎⵎ ⵎⵏⵏⴰⵡ ⵉⴳⵎⴰⵎⵏ, ⵎⴰ ⵢⴰⴷ ⵉⵙⴷⵓⵙⵏ ⵜⵣⵎⵔⵜ ⵏⵏⵙ ⵏ ⵓⴹⴼⵕ ⴷ ⵓⵙⵎⵙⴰⵙⴰ ⴷ ⵓⵙⵏⴼⵍ ⵏ ⵉⵔⵉⵎⵏ. 

ⴳ ⵓⵎⵏⵉⴷ ⴰⴷ, ⵉⵙⴷⴷⵉⴷ ⵎⴰⵙ ⵜⵙⵙⴽⵔ ⵜⵙⵏⵓⵔⴰⵢⵜ ⵜⴰⴱⵔⴰⵜ ⵏ ⵜⵎⵢⴰⵇⵇⴰⵏⵉⵏ ⵜⵉⵙⴽⵔⴽⵉⵙⵉⵏ, ⵉⴱⵉⴷⴷⵏ ⵅⴼ ⵓⵙⴷⵓⵙ ⵏ ⵜⴷⵔⴰⵡⵜ ⵜⴰⵖⵔⵎⴰⵏⵜ ⴳ ⵜⵙⵔⵜⵉⵜⵉⵏ ⵏ ⵓⵙⴱⴷⴷⵉ ⵏ ⵜⴽⵕⴹⵉ, ⴷ ⵓⵙⴷⵓⵙ ⵏ ⵓⵎⵙⴰⵙⴰ ⴷ ⵜⵎⵔⵙⴰⵍ ⵜⵉⴳⵍⴷⴰⵏⵉⵏ, ⴷ ⵓⵙⴱⵓⵖⵍⵓ ⵏ ⵜⵎⴷⵔⴰⵡⵉⵏ ⴷ ⵡⴰⵎⵓⵏ ⵓⵖⵔⵉⵎ, ⴳ ⵓⵙⴰⵜⵉ ⵏ ⵓⵙⵔⵙ ⵏ ⵓⵏⴳⵔⴰⵡ ⵏ ⵜⵣⵕⴼⵜ ⴷ ⵜⵎⵙⴰⵙⵜⵍⵜ. 

ⵉⵙⵙⴽⵜⵉ ⵓⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵎⴰⵙⴷ ⴰⵎⵔⴰⵔⴰ ⵏ ⵡⴰⵡⴰⵍ ⴰⴼⵔⵉⵇⵉ ⵏ ⵜⵏⴱⴰⴹⵜ ⵜⵓⵎⵍⵉⵍⵜ ⵢⵓⵛⴽⴰ ⴳ ⵓⵙⴰⵜⵉ ⵏ ⵓⵙⴱⴷⴷⵉ ⵏ ⵜⵏⴱⴰⴹⵜ ⴷ ⵉⵙⵏⵜⵉⵜⵏ ⵉⵅⴰⵜⴰⵔⵏ ⵏⵏⴰ ⵉⵙⵏⵎⴰⵍⴰⵏ ⵜⴰⵣⴷⴰⵢⵜ ⴳⵔ ⵓⵡⴰⵏⴽ ⴷ ⵉⵎⵣⴷⴰⵖⵏ, ⴷ ⵉⵙⵏⵎⴰⵍⴰ ⴰⵙⵏⴼⵍ ⵙⴳ ⵓⵏⴳⵎⵓ ⵏ ⵓⵙⵡⵓⴷⴷⵓ ⴰⵎⵢⵉⵡⵏ ⵖⵔ ⵓⵏⴳⵎⵓ ⵏ ⵓⵙⵡⵓⴷⴷⵓ ⴰⵎⴷⵔⴰⵡ ⴳ ⵎⵏⵏⴰⵡ ⵏ ⵉⵙⵡⵉⵔⵏ. 

ⵉⵙⴷⴷⵉⴷ ⵎⴰⵙ ⴱⵏⵄⵍⵉⵍⵓ ⵎⴰⵙⴷ ⴰⵙⵏⴼⵍ ⴰⴷ ⵏⵏⴰ ⵎⵓ ⵉⴽⵛⵎ ⵓⴳⵔⴰⵡ ⵉⵣⵔⵉ "ⵜⴰⵏⴱⴰⴹⵜ ⵉⵏⵏⵓⵔⵥⵎⵏ", ⵉⵡⵜⵜⵙ ⴰⴷ ⵉⵙⵔⵙ ⵢⴰⵏ ⵓⵎⵏⵉⴷ ⴰⴱⴰⵔⴰⵡ ⵏ "ⵜⵎⵔⵙⴰⵍ ⵉⵏⵏⵕⵥⵎⵏ" ⵡⴰⴷ ⵉⴳⴰⵏ ⵢⴰⵏ ⵓⵙⴱⵓⵖⵍⵓ ⵢⵓⵎⴰⵏ ⴰⵎⵓⵍⵍⵉ ⵏ ⵜⵓⵚⴽⴰ ⵜⴰⵎⵔⵙⴰⵍⵜ ⵓⵔⴷ ⵖⴰⵙ ⵜⴰⵏⴰⴱⴰⴹⵜ. 

ⵉⵙⵓⵍ ⵉⵏⵏⴰ ⵎⴰⵙ ⵉⵥⵕⴰ ⵓⴳⵔⴰⵡ  ⵎⴰⵙ ⵓⵔ ⵙⵓⵍ ⴳⴰⵏ ⵉⵎⵏⵣⴰⵢⵏ ⵏ ⵜⵏⴱⴰⴹⵜ ⵉⵕⵥⵎⵏ ⵢⴰⵜ ⵜⵖⴰⵔⴰⵙⵜ ⵜⴰⵙⴳⴰⵡⴰⵏⵜ, ⵎⴰⵛⵛ ⴳⴰⵏ ⵉⵎⵏⵣⴰⵢⵏ ⵏ ⵓⵎⵢⴰⵡⴰⵙ ⴳⵔ ⵎⵏⵏⴰⵡ ⵏ ⵉⴼⵔⴷⵉⵙⵏ ⵏ ⵓⵡⴰⵏⴽ, ⵎⴰ ⵢⴰⴷ ⵢⵓⵊⵊⴰⵏ ⴰⵙⵔⵙ ⵏ ⵜⵏⵓⴱⴹⴰ ⵉⵕⵥⵎⵏ ⵅⴼ ⵜⵎⴷⵔⴰⵡⵜ ⴷ ⵓⵎⵙⴰⵙⴰ ⴰⵎⵔⵙⴰⵍ, ⴷ ⵓⵍⴰ  ⴰⵃⵟⵟⵓ ⵏ ⵓⵎⵙⴰⵙⴰ ⵖ ⵜⵉⵍⴰⵍ, ⵎⵔⴰ ⴰⴷ ⵢⵉⵍⵉ ⵢⴰⵏ ⵓⴹⴼⴰⵕ ⴰⴳⴷⵓⴷⴰⵏ ⵉⵛⵛⴰⵔⵏ, ⵎⴰⵙ ⵉⵜⵜⵓⵙⴷⵓⵙⵏ ⵏ ⵜⴷⵔⴰⵡⵜ ⵏ ⵡⴰⵎⵓⵏ ⵓⵖⵔⵉⵎ ⵉⵕⵡⴰⵏⵏ, ⴷ ⵓⵙⵏⴼⵍ ⵏ ⵜⴷⵔⴰⵡⵜ ⵏⵏⵙ ⵙⴳ ⵓⵙⴰⵜⵉ ⵏ ⵓⵎⵛⵛⵉⵡⵕ ⴰⵔ ⵓⵙⵡⵉⵔ ⵏ ⵜⵉⵍⵉⵜ ⴳ ⵓⵙⵔⴰⵙ ⵏ ⵜⵖⵜⴰⵙⵜ ⵜⴰⴳⴷⵓⴷⴰⵏⵜ. 

ⵉⵏⵏⴰ ⴳ ⵓⵎⵏⴰⴹ ⴰⴷ, ⵎⴰⵙ ⵉⴳⴰ ⵓⵙⵏⵓⴱⴳ ⵏ ⵜⵎⴷⵉⵏⵜ ⵏ ⵎⵕⵕⴰⴽⵯⵛ,ⵉ ⵓⵏⵎⵓⵇⵇⴰⵔ ⴰⴼⵔⵉⵇⵉ ⴰⵎⵣⵡⴰⵔⵓ ⵏ ⵓⵙⵏⵜⵉ ⵏ ⵜⵏⴱⴰⴹⵜ ⵉⵕⵥⵎⵏ ⵏ ⵉⴳⵔⴰⵡⵏ  ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ ⵢⴰⵜ ⵜⵙⵜⵔⴰⵜⵉⵊⵉⵜⴳ ⵓⴰⵢⵢⵓⵔ ⵏ ⵏⵓⵡⴰⵏⴱⵉⵔ ⴷ ⵢⵓⵛⴽⴰⵏ, ⵎⴰⴷ ⵉⴳⴰⵏ ⵢⴰⵜ ⵜⵉⵣⵉ ⵜⴰⵙⵉⵍⴰⵏⵜ ⵏ ⵓⵙⴽⵔ ⵏ ⵢⴰⵜ ⵜⴰⵏⵏⴰⵢⵜ ⵉⴼⵔⵉⵇⵉⵢⵜ ⵉⵎⵙⵜⴳⴳⴰⵔⵏ, ⵏⵏⴰ ⵉⵙⵎⵓⵏⵏ ⵜⵉⴼⵔⴽⴰ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴷ ⵓⵙⴽⴰⵔ ⵏ ⵜⴷⵔⴰⵡⵜ ⵜⴰⴳⴷⵓⴷⴰⵏⵜ  ⵢⴰⵏ ⵓⴱⵔⵉⴷ ⵏ ⵜⵉⵍⵉⵜ ⵜⴰⴷⵓⵙⵜ ⴳ ⵓⵙⵏⵚⵉⴱ ⵏ ⵜⵖⵜⴰⵙⵜ ⵜⴰⴳⴷⵓⴷⴰⵏⵜ ⴷ ⵓⴹⴼⴰⵕ ⵏ ⵓⵙⵖⵣⵍ ⵏⵏⵙ.